திருநரையூர் ராமநாத சுவாமி திருக்கோயில், தஞ்சாவூர்

முகவரி :

திருநரையூர் ராமநாத சுவாமி கோயில்,

திருநரையூர், நாச்சியார்கோயில்,

கும்பகோணம் தாலுகா,

தஞ்சாவூர் மாவட்டம்,

தமிழ்நாடு 612602

தொலைபேசி: +91 435 247 6411 / 247 6157

இறைவன்:

ராமநாத சுவாமி

இறைவி:

பர்வதவர்த்தினி

அறிமுகம்:

ராமநாத சுவாமி கோயில் தமிழ்நாட்டின் தஞ்சாவூர் மாவட்டத்தில் கும்பகோணம் தாலுகாவில் நாச்சியார் கோயிலின் எல்லையில் உள்ள திருநாரையூரில் அமைந்துள்ள சிவபெருமானுக்கு அர்ப்பணிக்கப்பட்டுள்ளது. மூலவர் ராமநாதசுவாமி என்றும், தாயார் பர்வதவர்த்தினி என்றும் அழைக்கப்படுகிறார். இக்கோயில் அரசலாறு ஆற்றின் தென்கரையில் அமைந்துள்ளது. இக்கோயில் திருநாரையூர் சித்தநாதேஸ்வரர் கோயிலுக்கும் நாச்சியார் கோயில் திருநரையூர் நம்பி கோயிலுக்கும் இடையில் உள்ளது. இக்கோயில் தமிழக அரசின் இந்து சமய அறநிலையத் துறையின் கட்டுப்பாட்டில் உள்ளது.

புராண முக்கியத்துவம் :

தசரத சக்ரவர்த்தி தன் நோய் தீர, இத்தலத்து புண்ணிய தீர்த்தத்தில் நீராடி சனிபகவானை வழிபட்டிருக்கிறார். ராமபிரான் ராவணனை வதம் செய்து அயோத்தி திரும்புகையில் தந்தை வழிபட்ட இத்தலத்திற்கு வந்து புண்ணிய நீராடி, மண்ணால் லிங்கம் செய்து வழிபட்டிருக்கிறார். கூடவே இவ்வாலய சிறப்புணர்ந்து அனுமனும் சிவ வழிபாடு செய்திருக்கிறார். அதற்கு சான்றாக இவ்வாலயத்தின் பிரகாரத்தில் அமைந்திருக்கிறது அனுமந்த லிங்கம். இவையெல்லாம் இவ்வாலயம் குறித்த புராணகாலச் சிறப்புகள்.

சிறப்பு அம்சங்கள்:

ராமநாத சுவாமியாய் சிவபெருமானும், பர்வதவர்த்தினியார் அம்பாளும் அலங்கரிக்கும் திருநரையூர் ஆலயத்தில் முக்கிய சிறப்புடன் விளங்குகிறார் சனீஸ்வரர். சனீஸ்வரர் தனது இரு மனைவிகள் மந்தா தேவி, ஜேஷ்டாதேவி ஆகியோருடன் இவ்வாயலத்தில் அருள்பாலிக்கிறார். நவகிரக மேடையின் நடுவில் இருக்கும் சூரியனும் தன் மனைவியர் உஷாதேவியுடனும், பிரத்யுஷா தேவியுடனும் காட்சி அளிக்கிறார். தம்பதி சமேதராய் மட்டுமல்ல. இவ்வாலயத்தில், சனீஸ்வரர் தனது மகன்களுடன் (குளிகன், மாந்தி) குடும்ப சமேதராய் அருள்புரிகிறார்.

திருவிழாக்கள்:

சித்திரை பிரம்மோத்ஸவம், மார்கழி திருவாதிரை, கார்த்திகை தீபம், பிரதோஷம், சோமவாரம், குருபெயர்ச்சி, சனிப்பெயர்ச்சி மற்றும் அனைத்து சனி மற்றும் ஞாயிற்றுக்கிழமைகளும் இங்கு கொண்டாடப்படும் திருவிழாக்கள்.