சேரங்குளம் ஸ்ரீ வெங்கடாசலபதி பெருமாள் திருகோயில், திருவாரூர்

முகவரி

சேரங்குளம் ஸ்ரீ வெங்கடாசலபதி பெருமாள் திருகோயில், சேரங்குளம், மன்னார்குடி, திருவாரூர் மாவட்டம், தமிழ்நாடு 614016

இறைவன்

இறைவன்: ஸ்ரீ வெங்கடாசலபதி பெருமாள்

அறிமுகம்

தமிழ்நாட்டின் திருவாரூர் மாவட்டத்தில் உள்ள மன்னார்குடி தாலுகாவில் சேரங்குளம் கிராமத்தில் விஷ்ணுவுக்கு அர்ப்பணிக்கப்பட்ட வெங்கடாசலபதி பெருமாள் கோயில் உள்ளது. தமிழ் ஸ்ரீவைஷ்ணவ பாரம்பரியத்தில், சேரங்குளம் பஞ்ச கிராமம் என்று அழைக்கப்படும் ஐந்து கிராமங்களில் ஒன்றாகும். மற்ற கிராமங்கள் காரப்பங்காடு, நம்மங்குறிச்சி, பேராவூரணி மற்றும் புலியக்குடி (இடைக்காடு). சேரங்குளம் மக்கள் காரப்பங்காடு, நம்மங்குறிச்சி, பேராவூரணி மற்றும் புலியக்குடி ஆகிய கிராமங்களுடன் நெருங்கிய தொடர்புடையவர்கள். இக்கோயில் 1000 ஆண்டுகள் பழமையானது என நம்பப்படுகிறது. சேரங்குளம் மன்னார்குடியிலிருந்து 5 கிமீ தொலைவிலும், கூத்தநல்லூரிலிருந்து 13 கிமீ தொலைவிலும், திருவாரூரிலிருந்து 30 கிமீ தொலைவிலும், திருச்சியிலிருந்து 98 கிமீ தொலைவிலும் அமைந்துள்ளது. சேரங்குளம் மன்னார்குடியுடன் நன்கு இணைக்கப்பட்டுள்ளது.

புராண முக்கியத்துவம்

இம்மக்கள் பல நூற்றாண்டுகளுக்கு முன்னர், கூரம், கிடாம்பி மற்றும் செல்பேரி ஆகிய 3 முக்கிய வடக்கு நகரங்களிலிருந்து இடம்பெயர்ந்தனர். ஒரு சமயம், கூரம், கிடாம்பி மற்றும் செல்பேரியில் இருந்து ஸ்ரீ வைஷ்ணவர்கள் ஒரு குழு புனித யாத்திரை புறப்பட்டது. ஒரு இரவு நேரத்தில், அவர்கள் இப்போது உள்ள காரப்பங்காடு என்று அழைக்கப்படும் இடத்தில் நின்றார்கள். அன்றிரவு, அவர்கள் ஒரு கனவு கண்டனர் – அதில் இறைவன் அவர்களை ஒரு எறும்புப் புற்றிற்க்கு அருகே செல்ல (பறக்கும் கருடன் மூலம் குறிக்கப்பட்ட) வழிநடத்தினார், அதில் அவர்கள் இறைவனின் சிலையை கண்டனர். பகவான் ஸ்ரீ வைஷ்ணவர்களைக் கோயில் கட்டி அவருக்கு திவ்யப் பிரபந்தம் பாடச் சொன்னார். இதனால் காரப்பங்காடு நகரம் உருவானது.

திருவிழாக்கள்

பௌர்ணமி, திருக்கார்த்திகை உற்சவம் வெகுவிமரிசையாக நடக்கிறது. மாலையில் அனைத்து சன்னதிகளிலும் கார்த்திகை தீபம் ஏற்றப்பட்டு, பின்னர் திருவீதி புறப்பாடு நிகழ்ச்சியின் போது பெருமாள் சொக்கப்பனை தரிசனம் செய்யலாம். திருமங்கை ஆழ்வார் திருநட்சத்திரம் கோஷ்டி பாராயணத்துடன் வெகு விமரிசையாக கொண்டாடப்படுகிறது. திருக்கார்த்திகை உற்சவத்தில் ஏராளமான சேவகர்களும் பங்கேற்று திவ்ய தம்பதிகளின் அருள் பெறுகின்றனர்.

காலம்

1000 ஆண்டுகள் பழமையானது

நிர்வகிக்கப்படுகிறது

இந்து சமய அறநிலையத்துறை

அருகிலுள்ள பேருந்து நிலையம்

சேரங்குளம்

அருகிலுள்ள இரயில் நிலையம்

மன்னார்குடி

அருகிலுள்ள விமான நிலையம்

திருச்சி

lightuptemple