மயிலாப்பூர் கோலவிழி அம்மன் திருக்கோயில், சென்னை

முகவரி

மயிலாப்பூர் கோலவிழி அம்மன் திருக்கோயில், மயிலாப்பூர், சென்னை, தமிழ்நாடு 600004

இறைவன்

இறைவி: கோலவிழி அம்மன்

அறிமுகம்

மயிலாப்பூர் கோலவிழி அம்மன் கோவில், கபாலீஸ்வரர் ஆலயத்திற்கு இணையான தொன்மைச் சிறப்பு வாய்ந்தது. பார்வதிதேவி மயில் உருவம் எடுத்து மயிலாப்பூர் தலத்தில் தவம் இருந்தபோது அவளை அசுரர்களிடம் இருந்து பாதுகாப்பதற்காக சிவபெருமானால் அனுப்பி வைக்கப்பட்ட பத்ரகாளி இவள் என்பது குறிப்பிடத்தக்கது. வடக்கு திசை நோக்கி எளிய நுழைவு வாசலுடன் ஆலயம் அமைந்துள்ளது. அமர்ந்த கோலத்தில் வீற்றிருக்கும் அன்னையே, கோல விழி அம்மனாக விளங்குகிறாள். சிவசக்தி சொரூபமாக அன்னை காட்சி தருகின்றாள். இவளது இயற்பெயர் பத்ரகாளி என்பதாகும். எனவே இந்த ஆலயத்தை பத்ரகாளி அம்மன் ஆலயம் என்றும் சொல்வார்கள்.

புராண முக்கியத்துவம்

நெருப்பு உலா திருவிழாவை புகைப்படம் எடுத்த ஆங்கிலேயர் பார்வை இழந்ததாகவும், இந்த அம்மனை வழிபட்ட பின்னரே பார்வை திரும்பியதாகவும் கூறப்படுகிறது. கோவில் மூலவர் கோலவிழி அம்மன் வடக்கு நோக்கி உள்ளது. மூலவர் கோலவிழி அம்மன் பத்ரகாளி அம்மன், அம்பிகை, மயூரபுரி கிராம தேவதை என அழைக்கப்படுகிறார். இந்த கோவிலில் உள்ள தெய்வம் சுயம்பு வடிவத்தில் இருப்பதாக நம்பப்படுகிறது, மேலும் அவள் பக்தர்களிடம் அன்பிற்கும் பாசத்திற்கும் பெயர் பெற்றவர். கருவறையில் உள்ள அம்மன் சிலை பின்புற சுவரில் உள்ளது மற்றும் உற்சவருக்கு அபிஷேகம் செய்யப்படுகிறது. கோவிலில் சப்தமாதாக்கள், விநாயகர், நாகர்கள் சன்னதிகள் உள்ளன. இக்கோயில் மயிலாப்பூர் கபாலீஸ்வரர் கோயிலுடன் இணைக்கப்பட்டுள்ளது.

நம்பிக்கைகள்

கோலவிழி அம்மன் சட்ட வழக்குகள் போன்ற தடைகளை நீக்குவார் என்றும், பக்தர்கள் கோலவிழி அம்மனை காவல் தேவதை என்றும், இயற்கை சீற்றங்கள் உள்ளிட்ட எந்த ஆபத்திலிருந்தும் காக்கும் என்றும் நம்பப்படுகிறது. இக்கோயிலில் வழிபடுபவர்களுக்கு அனைத்து நோய்களும் நீங்கி அமைதியும், செழிப்பும் கிடைக்கும் என்பது நம்பிக்கை.

திருவிழாக்கள்

கோல விழியம்மன் மயிலையில் எல்லை காளியாக இருப்பவள். எனவே மயிலாப்பூரில் உள்ள எந்த ஆலயத்தில் விழா நடந்தாலும் கோல விழியம் மனுக்குத்தான் முதல் மரியாதை கொடுக்கப்படும். மயிலை கபாலீஸ்வரர் ஆலயத்தில் 63 நாயன்மார் விழா நடக்கும்போது அனைவருக்கும் முன்னதாக முதலில் செல்வது கிராம தேவதையான கோல விழியம்மன்தான். சித்திராப் பவுர்ணமியில் பூச்சொரிதல் விழா, ஆடிப்பூர விழா, தீச்சட்டி ஏந்தும் விழா, புரட்டாசியில் நவராத்திரி விழா மற்றும் 10&ம் நாள் சூரனை வதம் செய்யும் விழா, மாசியில் மூன்றாம் ஞாயிறன்று பால் குடப்பெருவிழா ஆகியவை இந்த ஆலயத்தில் நடைபெறும் குறிப்பிடத்தக்க விழாக்கள் ஆகும்.