தியோகர் வராஹர் கோவில், உத்தரபிரதேசம்

முகவரி

தியோகர் வராஹர் கோவில், தியோகர், லலித்பூர் மாவட்டம் உத்தரபிரதேசம் – 284403

இறைவன்

இறைவன்: விஷ்னு

அறிமுகம்

வராஹர் கோயில் விஷ்ணுவுக்கு அர்ப்பணிக்கப்பட்டுள்ளது, இது இந்தியாவின் உத்தரப்பிரதேசத்தின் லலித்பூர் மாவட்டத்தில் உள்ள தியோகர் கிராமத்தில் அமைந்துள்ளது. இக்கோயில் கிபி 7 ஆம் நூற்றாண்டில் கட்டப்பட்டதாக நம்பப்படுகிறது. இந்த கோவில் கோட்டையின் தென்மேற்கு மூலையில் தியோகர் மலையில் அமைந்துள்ளது மற்றும் சமணக்கோவில் வளாகத்திலிருந்து 2 கிமீ தொலைவில் அமைந்துள்ளது. இந்த கோயில் இந்திய தொல்பொருள் துறையால் தேசிய முக்கியத்துவம் வாய்ந்த நினைவுச்சின்னங்களாக பாதுகாக்கப்படுகிறது.

புராண முக்கியத்துவம்

இந்த கோவில் கிழக்கு நோக்கி உள்ளது மற்றும் உயரமான மேடையில் கட்டப்பட்டுள்ளது. கோவில், கருவறை மற்றும் நுழைவு மண்டபத்தை கொண்டிருந்துள்ளது. கதவு சட்டகம், நுழைவாயிலின் தூண் மற்றும் சில கட்டடக்கலை துண்டுகள் மட்டுமே தற்போது உள்ளது. கோவில் முற்றிலும் இடிந்து கிடக்கிறது. கருவறையில் பிரதிஷ்டை செய்யப்பட்ட முக்கிய சிலை சிற்பக் கொட்டகையில் வைக்கப்பட்டுள்ளது. வராஹாவின் இடது கையில் பிருத்வியைத் தூக்கும் நிலையிலும் வலது கை தொடையில் உள்ளது. நிற்கும் தோரணையில் அவரது துணைவியார் லட்சுமி இடது பக்கத்தில் தாமரை மலரை வைத்திருப்பதைப்போல் காணலாம். வழிபடும் தோரணையில் நாக ஜோடி கீழே உள்ளது. இந்த கோவிலுக்கு சொந்தமான கருடன், விஷ்ணு, மற்றும் அவரது துணைவியார் லட்சுமி, நர நாராயணன் மற்றும் கஜேந்திர மோக்ஷா ஆகியோரின் சிதைந்த சிற்பங்கள் தியோகர் சிற்பக் கொட்டகையில் வைக்கப்பட்டுள்ளன.