தொடரைசிங் காலா பஹார் கோவில், இராஜஸ்தான்

முகவரி

தொடரைசிங் காலா பஹார் கோவில், கலா பஹாத் மந்திர், காதிகன் மொஹல்லா, தோடரைசிங், இராஜஸ்தான் – 304505

இறைவன்

இறைவன்: விஷ்ணு

அறிமுகம்

காலா பஹார் கோயில் மேற்கு இந்திய மாநிலமான ராஜஸ்தானில் உள்ள டோங்க் மாவட்டத்தில் உள்ள தொடரைசிங் தாலுகாவில் உள்ள தொடரைசிங் நகரில் விஷ்ணுவுக்கு அர்ப்பணிக்கப்பட்டுள்ளது. இந்த கோவில் காலா பஹார் மலையின் மேல் அமைந்துள்ளது. இக்கோயில் மத்திய தொல்லியல் துறையால் தேசிய முக்கியத்துவம் வாய்ந்த நினைவுச்சின்னமாக பாதுகாக்கப்படுகிறது.

புராண முக்கியத்துவம்

இக்கோயில் இடைக்காலத்தில் கட்டப்பட்டதாக நம்பப்படுகிறது. தொடரைசிங் நகரம் கிபி 593 இல் ராய் சிங் சோலங்கியால் நிறுவப்பட்டது. அந்த ஊருக்கு அவர் பெயரே சூட்டப்பட்டது. தொடரைசிங் என்றால் ராய் சிங்கின் குடியேற்றம் என்று பொருள். இக்கோயில் கிழக்கு நோக்கியவாறு பஞ்சரத வடிவில் உள்ளது. இக்கோயில் முதலில் கருவறை, அந்தராளம் மற்றும் சபா மண்டபத்துடன் கக்ஷாசனங்கள் மற்றும் நுழைவு மண்டபம் ஆகியவற்றைக் கொண்டிருந்ததாகக் கூறப்படுகிறது. கருவறையின் வாசல் ஐந்து அலங்காரப் பட்டைகளைக் கொண்டுள்ளது. கருவறை சதுர வடிவில் உள்ளது. விஷ்ணுவின் அவதாரங்களின் சிற்பங்கள், நவக்கிரகங்கள், மல்யுத்தக் காட்சிகள், மிதுன உருவங்கள் மற்றும் பல்வேறு தெய்வங்கள் கோயிலைச் சுற்றிலும் சிதறிக்கிடக்கின்றன. கோயிலுக்கு அருகில் பழமையான குளம் உள்ளது.