அருள்மிகு சந்திரநாத் மலை சக்தி பீடக் கோவில், வங்காளதேசம்

முகவரி

அருள்மிகு சந்திரநாத் மலை சக்திப்பீடத் திருக்கோயில் சந்திரநாத் மலை, சிட்டகுண்டா, சிட்டகாங் மாவட்டம், வங்காளதேசம்

இறைவன்

சக்தி: பவானி பைரவர்: சந்த்ரசேகரர், உடல் பகுதி அல்லது ஆபரணம்: வலது புஜம்

அறிமுகம்

சந்திரநாத் கோயில், சந்திரநாத் மலையில், சிட்டகுண்டா கிராமத்தில், சிட்டகாங் மாவட்டம், வங்காளதேசம் சந்திரநாத் மலையின் உச்சியில் அமைந்துள்ளது, இது வங்காளதேசத்தில் அமைந்துள்ள ஒரு பிரபலமான சக்தி பீடக்கோவிலாகும். இந்து புனித நூல்களின்படி, சதி தேவியின் வலது புஜம் இங்கு விழுந்துள்ளது. சந்திரநாத் கோயில் இந்துக்களுக்கான புனித யாத்திரை தலமாகும். இதன் உயரம் கடல் மட்டத்திலிருந்து 1,020 அடி (310 மீ). இங்கே இரண்டு சிலைகள் உள்ளன, ஒன்று தேவி சதி மற்றொன்று சிவன் ஆகும். தேவியை பவானி என்றும் சிவனை சந்திரசேகர் என்றும் அழைக்கப்படுகிறது.

புராண முக்கியத்துவம்

சுமார் 800 ஆண்டுகளுக்கு முன்பு, கவுரின் புகழ்பெற்ற ஆதிசூரின் வழித்தோன்றலான ராஜா பிஸ்வம்பர் சுர், கடல் வழியாக சந்திரநாத்தை அடைய முயன்றதாக ராஜ்மலா கூறுகிறது. கவிஞர் ஜெயதேவ் சந்திரநாத்தில் ஒரு காலம் வாழ்ந்ததை நிகம்கல் பதாரு குறிப்பிடுகிறார். திரிபுராவின் ஆட்சியாளரான தன்யமானிக்யாவின் காலத்தில், சந்திரநாத் ஏராளமான ஆஸ்திகளைப் பெற்றார். தன்யா மாணிக்கர் சிவன் சிலையை கோவிலிலிருந்து தனது இராஜ்ஜியத்திற்கு அகற்ற முயற்சித்தாலும், அவர் தோல்வியடைந்தார்.

சிறப்பு அம்சங்கள்

தந்தையாகிய தட்சனால் அவமதிக்கப்பட்ட தாட்சாயிணி அந்த யாகம் அழியுமாறு சபித்து விட்டு, தட்சன் தந்த உடல் தனக்கு வேண்டாமென தட்சன் நடத்திய யாகத்தின் தீயிலேயே எரிந்து போகிறாள். சிவனால் படைக்கப்பட்ட வீரபத்திரர் அந்த யாகத்தை அழித்தார். மனைவி இறந்த வருத்தத்தில், சிவன் தன் மனைவி தாட்சாயிணியின் இறந்த உடலை எடுத்துக் கொண்டு ஊழித்தாண்டவம் ஆடினார். சிவனின் ஆட்டத்தை நிறுத்த விஷ்ணு தன் சக்ராயுதத்தால் தாட்சாயிணியின் உடலை 51 துண்டுகளாக வெட்டி வீழ்த்தினார். பிறகு சிவன் சாந்தமானார். சிதறிய தாட்சாயிணியின் உடல் பகுதிகள் விழுந்த 51 இடங்கள் சக்தி பீடங்களாயின. சிவபெருமானின் ஊழித்தாண்டவ நடனத்திலிருந்து உலகைக் காப்பாற்ற விஷ்ணு சுதர்ஷன் சக்கரத்தைப் பயன்படுத்தியபோது சதியின் வலது புஜம் விழுந்ததாகக் கூறப்படுகிறது.