ஹொரநாடு அன்னபூர்ணேஸ்வரி (அன்னபூர்ணேஸ்வரி) கோயில்- கர்நாடகா

முகவரி

ஹொரநாடு அன்னபூர்ணேஸ்வரி (அன்னபூர்ணேஸ்வரி) கோயில், ஹொர்நாடு, பத்ரா மாவட்டம், கர்நாடகா 577181

இறைவன்

இறைவி: அன்னபூர்ணேஸ்வரி

அறிமுகம்

ஹொரநாட்டில் உள்ள அன்னபூர்ணேஸ்வரி கோயில் கர்நாடகாவின் சிக்மகளூர் மாவட்டத்தில் பத்ரா நதிக்கரையில் அமைந்துள்ளது. மேற்கு தொடர்ச்சி மலையின் அடர்ந்த காடு மற்றும் பள்ளத்தாக்குகளில் அமைந்துள்ள அன்னபூர்ணேஸ்வரி உணவின் தெய்வம். அன்னபூர்ணேஸ்வரி என்பதன் நேரடி பொருள் “அனைவருக்கும் உணவளித்தல்” என்பதாகும். இந்தக் கோயிலுக்குச் செல்லும் அனைவருக்கும் கோயில் வளாகத்திலேயே உணவு மற்றும் தங்குமிடம் வழங்கப்படுகிறது.

புராண முக்கியத்துவம்

இக்கோயில் ஸ்ரீ ஆதிஷக்த்யத்மகா அன்னபூர்ணேஸ்வரி அல்லது ஸ்ரீ க்ஷேத்ர ஹொரநாடு கோயில் என்றும் அழைக்கப்படுகிறது. 8 ஆம் நூற்றாண்டில் அகஸ்திய மகரிஷி ஆதிசக்த்யாத்மகா ஸ்ரீ அன்னபூர்ணேஸ்வரி தேவியின் பிரதிஷ்டை (ஸ்தாபிக்கப்பட்ட) செய்ததாக நம்பப்படுகிறது. இங்கு பல நூற்றாண்டுகளுக்கு முன்பு அன்னபூர்ணேஸ்வரி விக்ரகத்தை அகஸ்திய முனிவர் பிரதிஷ்டை செய்ததாக புராணம் கூறுகிறது .இந்த விக்ரகம் தங்கத்தால் செய்யப்பட்டது ஆகும். ஒரு முறை சிவபெருமானுக்கு ஏற்பட்ட சாபத்துக்கு இந்த அன்னபூர்ணேஸ்வரி அம்மன்தான் விமோச்சனம் அளித்ததாக நம்பப்படுகிறது.பல ஆண்டுகளுக்கு முன்பு சிதிலமடைந்து காணப்பட்ட இந்தக் கோயில் பின்னர் மீண்டும் புதுப்பிக்கப்பட்டது. அதன் பின் இந்த அம்மனுக்கு ‘ஆதி சக்த்ய மகா ஸ்ரீ அன்னபூர்ணேஸ்வரி’ என்ற சிறப்பு பெயரும் வந்தது. அன்னபூர்ணேஸ்வரி அம்மன் தன் நான்கு கைகளிலும் ஸ்ரீ சக்கரத்தையும், சங்கையும் , தேவி காயத்ரியையும் பிடித்த வண்ணம் காட்சியளித்துக் கொண்டிருக்கிறது. அன்னபூரணி என்னும் பெயருக்கு ஏற்றார் போல் கோயிலுக்கு வரும் பக்தர்கள் அனைவருக்கும் மூன்று வேலை உணவும், உறைவிடவும் தந்து அக்ஷயப் பாத்திரமாகவே திகழ்கிறது இந்தக் கோயில். இந்த அம்மனை தரிசிப்பவர்களுக்கு வாழ்கையில் உணவுப் பஞ்சமே வராது என்று சொல்லப்படுகிறது.

நம்பிக்கைகள்

இந்த அன்னபூர்ணேஸ்வரி கோவிலில் அர்ச்சனை செய்தால் இங்கு தரப்படுகின்ற முக்கிய பிரசாதம் அரிசி தான். அந்த அரிசியை கொண்டு வந்து நம் வீட்டின் அரிசி ஜாடியில் போட்டு வைத்தால், என்றும் உணவுக்கு நம் வீட்டில் பஞ்சமே இருக்காது. நம் வீட்டில் உள்ள பாத்திரம் அட்சய பாத்திரமாக தான் என்றும் திகழும் என்பது நம்பிக்கை.

சிறப்பு அம்சங்கள்

அன்னபூர்ணா என்ற சொல் இரண்டு வார்த்தைகளால் ஆனது, அன்னம் என்றால் தானியங்கள் மற்றும் பூர்ணா என்றால் உணவு என்பதாகும். எனவே, அன்னபூர்ணா என்றால் உணவு வழங்குதல். ஸ்ரீ அன்னபூர்ணேஸ்வரி சிவபெருமானின் மனைவி பார்வதி தேவியின் அவதாரம் என்று நம்பப்படுகிறது. ருத்ரயமாலா, அன்னபூர்ணமாலினி நக்ஷத்ரமாலிகா, சிவராஹஸ்ய மற்றும் அன்னபூர்ணா கவாச்சா போன்ற பல பழங்கால நூல்களில் தேவி அன்னபூர்ணா போற்றப்பட்டு மதிப்பிடப்படுகிறார். அன்னபூர்ணேஸ்வரி தேவியை இங்கு பீடத்தில் நின்ற கோலத்தில் காணலாம். நான்கு கைகளிலும் சங்கு, சக்கரம், ஸ்ரீ சக்கரம் மற்றும் தேவி காயத்ரியை ஏந்தியிருக்கிறாள். இந்த சிலை தலை முதல் கால் வரை தங்கத்தால் மூடப்பட்டிருக்கும், மேலும் தேவி அன்னபூர்ணாவை தரிசித்தால், அவர்கள் வாழ்வில் உணவு இல்லாமல் இருக்க மாட்டார்கள் என்று நம்பப்படுகிறது. பிரதான கோயில் வளாகத்தை அடைய, வழிபடுபவர்கள் படிகளில் ஏறிச் செல்ல வேண்டும். கோயிலின் கோபுரம் (நுழைவாயில்) பல தெய்வச் சிற்பங்களால் அலங்கரிக்கப்பட்டுள்ளது. மண்டபம் பிரதான ஆலய நுழைவாயிலின் இடது புறத்தில் அமைந்துள்ளது. கோவிலின் மேற்கூரையில் அழகிய வேலைப்பாடுகளைக் காணலாம். ஆதி சேஷா கோயிலின் பிரதான கருவறை சுற்றி உள்ளது மற்றும் பத்ம பீடத்தில் கூர்மா, அஷ்டகஜா மற்றும் பிற சிற்பங்கள் உள்ளன.

திருவிழாக்கள்

1.ரத உற்சவம்: ஒவ்வொரு ஆண்டும் பிப்ரவரி முதல் மார்ச் வரை கொண்டாடப்படும் இந்த கோவில் திருவிழா ஐந்து நாட்கள் கொண்டாட்டமாகும். 2.அக்ஷய தடிகே: அன்னபூர்ணேஸ்வரி தேவியின் பிறப்பையும் கோடைகாலத்தின் தொடக்கத்தையும் குறிக்கும் வகையில் ஒவ்வொரு ஆண்டும் ஏப்ரல் மற்றும் மே மாதங்களுக்கு இடைப்பட்ட காலத்தில் அக்ஷய திருதியை என்றும் அழைக்கப்படுகிறது. 3.நவராத்திரி: துர்கா தேவியின் ஒன்பது தெய்வீக வடிவங்களுக்கு அர்ப்பணிக்கப்பட்ட ஒன்பது நாள் திருவிழா செப்டம்பர் – அக்டோபர் மாதங்களில் கொண்டாடப்படுகிறது.