ஸ்ரீ அரசகேசரி சிவன் கோயில், சிங்கப்பூர்

முகவரி :

ஸ்ரீ அரசகேசரி சிவன் கோயில்,

25 சுங்கே கடுத் அவென்யூ,

சிங்கப்பூர் – 729679.

இறைவன்:

சிவன்

அறிமுகம்:

ஸ்ரீ சிவன் கோயில், 1850-களின் தொடக்கத்தில் ஒரு கட்டடமாக மறுநிர்மாணம் செய்யப்பட்டதாகக் குறிப்புகள் பதிவாகியுள்ளன. ஆர்ச்சர்ட் ரோட்டில், தற்போது டோபி காட் பெருவிரைவு போக்குவரத்து இரயில் நிலையம் அமைந்துள்ள பகுதியில், கோயில் அமையப் பெற்றிருந்தது. 1850-ஆம் ஆண்டிற்கு முன்னரும் கூட, இக்கோயிலில் இருந்த சிவலிங்கம் வழிபட்டு வரப்பட்டதாக நம்பப்படுகிறது. இந்தக் கோயிலில் வீற்றிருக்கும் சிவலிங்கம், சிங்கப்பூருக்குள்ளேயே மூன்று முறை இடம் மாறியுள்ளது – பொத்தோங் பாசிர் வட்டாரத்திலிருந்து டோபி காட் வட்டாரத்தின் மறுமுனைக்கு; பின்னர், தற்போது மெக்டோனல்ட்ஸ் ஹவுஸ் அமைந்திருக்கும் பகுதிக்கு; அதன்பின்னர், ஆர்ச்சர்ட் ரோட்டில் உள்ள ஓர் இடத்திற்கு. அங்குதான் இக்கோயில், 1983-ஆம் ஆண்டு வரை இருந்து வந்தது.

ஸ்ரீ சிவன் கோயிலை, மொஹமதிய இந்து அறக்கட்டளை வாரியத்தின் (1907-ஆம் ஆண்டில் நிறுவப்பெற்றது) நிர்வாகத்திற்கு உட்படுத்தும் ஆணை ஒன்று, 18 அக்டோபர் 1915 அன்று அரசிதழில் பதிப்பிக்கப்பட்டது. 1968-ஆம் ஆண்டில், ஸ்ரீ சிவன் கோயில் உள்ளிட்ட நான்கு கோயில்களை நிர்வகிப்பதற்காக, இந்து அறக்கட்டளை வாரியம் தோற்றுவிக்கப்பட்டது.