புதுப்பிடாகை மார்க்கசகாயர் சிவன் கோயில், மயிலாடுதுறை

முகவரி

அருள்மிகு புதுப்பிடாகை மார்க்கசகாயர் சிவன் கோயில் புதுப்பிடாகை, மயிலாடுதுறை வட்டம், மயிலாடுதுறை மாவட்டம் – 609 807

இறைவன்

இறைவன்: மார்க்கசகாயர் இறைவி : வாலாம்பாள்

அறிமுகம்

புதுப்பிடாகை குத்தாலம்- பந்தநல்லூர் சாலையில் உள்ள பழவாற்றினை தாண்டியதும் வலது புறம் ஒரு சிறிய சாலை நல்லத்தடி எனும் ஊரை இணைக்கிறது, அதில் சிறிது தூரம் சென்றால் நல்லத்தடி தொடக்கப்பள்ளி அதன் எதிரில் உள்ள சிறு சாலையில் அரை கிமி தூரம் சென்றால் புதுப்பிடாகை. குக்கிராமம் இரண்டே தெரு தான் இதில் கிழக்கு நோக்கிய கோயில் கொண்டிருந்தார் எம்பெருமான். ஆம் முன்னர் கோயில் கொண்டிருந்தார். இப்போது கோயில் முற்றிலும் சிதிலமடைந்துவிட, மூர்த்திகள் அனைத்தும் ஒரு சிறு கட்டிடத்தில் வைத்து சில வருடங்களாக பூசிக்கப்படுகின்றன. இறைவன் மார்க்கசகாயர், இறைவி வாலாம்பாள், விநாயகர், முருகன் சண்டேசர் பைரவர், சூரிய சந்திரர்கள் என அனைத்தும் கொண்ட சிவாலயம். புதிய கோயில் எழுப்ப, பணிகள் ஆரம்பிக்கப்பட்டு கொரோனா மற்றும் இ.ச.அற. துரையின் குறுக்கீடால் பணிகள் தரைமட்டத்தில் நிற்கின்றது. போதுமான அளவு செங்கற்கள், கற்றும் கட்டிட பொருட்கள் இருந்தும், பணிகள் நின்றுபோயுள்ளன. # ”உயர்திரு கடம்பூர் கே.விஜயன் அவர்களின் அன்புகூர்ந்த அனுமதியோடு அவர்களின் பதிவுகளிலிருந்து எடுக்கப்பட்டது”.

காலம்

1000 ஆண்டுகள் பழமையானது

அருகிலுள்ள பேருந்து நிலையம்

புதுப்பிடாகை

அருகிலுள்ள இரயில் நிலையம்

மயிலாடுதுறை

அருகிலுள்ள விமான நிலையம்

மதுரை

lightuptemple